Eyjafjörður hefur alla tíð verið matarkista og árið í ár er þar engin undantekning. Sjófuglinn hefur sjaldan sést jafn innarlega á firðinum og lundastofninn í Grímsey er í miklum vexti.Grímseyingar björguðu enn einu sinni þjóðhátíðinni í Vestmannaeyjum og sáu Vestmannaeyingum fyrir þessum góða mat um nýliðna verslunarmannahelgi. Á 19. öld var skráð sögn um hvernig byggð hófst í Grímsey. Þar segir að lengi hafi engum verið leyft að setjast þar að vegna þess að eyjan hafi þótt svo gagnsöm til eggjatekju og annarra hlunninda.
Svo hafi hópur Þingeyinga sest þar að í leyfisleysi og byggt sér bæi. Þegar vermenn komu þangað úr Eyjafirði vörnuðu eyjarskeggjar þeim landgöngu og felldu þá alla í bardaga.
Við skulum vona að Vestmannaeyingar láti sér nægja að Grímseyingar selji þeim lundann um ókomin ár.
