Mikill fjöldi sótti þessa hátíðlegu stund og komust færri að en vildu. Merkilegt að líta þenna leiðtoga tíbeta augum og var hann ekkert nema auðmýktin að sjá frammi fyrir þeim fjölda fólks sem þarna var samankominn. Frámunalega lélegt það háttalag ríkisstjórnarinnar að sjá ekki sóma sinn í því að taka á móti þessum manni sem er tákngerfingur baráttu smáþjóða fyrir sjálfstæði sínu.

Karl Sigurbjörnsson biskup Íslands ávarpaði samkomuna, þá las séra Sigurður Sigurðsson vígslubiskup sálm, Eygló jónsdóttir, las úr helgiritum búddista, Imam Salman Tamimi las úr Kóraninum, Hilmar Örn Hilmarsson allherjargoði flutti erindi úr Hávamálum, Hólmfríður Sigurðardóttir las úr ritum Bahaía, séra Irma Sjöfn Óskarsdóttir las úr Biblíunni og þá ávarpaði Dalai Lama samkomuna. Milli atriða sögn svo Mótettukór Hallgrímskirkju undir stjórn Harðar Ákelssonar.